Voimakas Ruotti sulle
Nyt se on sinun vuoro
Näin met aijoma tehhä Ruottin voimakhaaks sulle.
Voimakas Ruotti sulle
Tänä syksynä sie olet matkassa päättämässä, mihinkä suunthaan meän maa pittää mennä. Met luppaama yhtenäisyyttä, emmä jakoilua. Met luppaama investeerinkiä, emmä leikkauksia. Ruotti on pitkän aijan heikentyny, ja met haluama tehhä Ruottin uuvesti vahvaks sulle.
Met sosiaaldemukraatit olema tehneet kotiläksyn ja menheet takashiin meän juurile. Kolmen vuen aikana met olema työskentelheet ratkaisuja, jokka hyökkäävät tämän päivän prupleemia ja valmistavat Ruottia levottomhaan aikhaan. Met olema nyt suorasanaisempia ja enemän toiminta-kykysempi partii. Tehtävänä on ette parantaa lujasti työntekjöitten arkipäivää ja vahvistaa yhteiskunnan yhteisöä.
Nyt se on sinun vuoro.
%20s_ikon_Spargris.png)
Voimakas ekonomii
näkkyy sinun pörsissä
Monen vuen korkean inflaasjuunin jälkhiin, ruokahinnoitten nousujen jälkhiin ja rikhai-mitten suuritten veroalenuksitten jälkhiin on nyt tavalisitten ihmisitten vuoro, joila on tavaliset työt ja palkat. Yheksän kymmenestä saavat enemän pörshiin meän pulitiikala.
Met haluama taistella syypperkorkeata työttömyyttä vasthaan. Jokhainen, joka saattaa olla töissä, pittää olla töissä. Ruotti tarttee ofensiivisen ja mudernin kasvopulitii-kan. Investeerinkiä hyvinvointhiin ja klimaattimuutoksheen merkittee enemän työpaik-koja koko maassa.
- Karensi joka ei ole tasa-arvonen pittää ottaa poies.
- Suoja korkeita sähön hintoja vasthaan.
- Korkeampi lasten biitraaki ja nuorile ilmhainen hammashoito.
- Korkeampi pansuuni niile, jokka on tehneet töitä koko elämänsä.
- Kovempi pressi pankkia ja ruokajättiä kohtaan.
Voimakas koulu, hoito ja
huolto sulle ja sinun perheele
Sie piät olla turvalinen ja saa tukea ja apua riippumatta missä elämän vaiheessa sie olet. Siksi tarvithaan enemän henkilökuntaa hoijossa, koulussa ja huolossa. Sillä tavala heilä on enemän aikaa sinun kans.
Kouluraha pittää pysyä koulussa ja opettajila pittää olla enemän aikaa lapsele, joka nostaa kättä, ja lapsele, joka ei koskhaan nostaa kättä.Met piämä satsata enemän vanhoitten hoithoon, varmistaa, ette henkilökunta saapi paremat eelytykset ja ette he ossaavat puhua ruottia. Koska Ruottissa pittää olla turvalista tulla vanhaaksi.
- Lyhemät oottoaijat hoijossa.
- Lissää opettajia koulussa.
- Vinstirahan kielethään koulussa ja esikoulussa.
- Lissää henkilökuntaa ja kielivaatimuksia vanhoitten hoijossa.
%20Skold.png)
Voimakas yhteisö ja lisättävä
turvalisuus missä sie asut
Rikolisuus naakii lähemäks ihmisitten arkipäivää, ja yniikki vakava tilane vaatii uusia tapoja selvittää prupleemia. Siksi met haluama valvoa nuoria jokka on riskiryhmissä ja lukittea jängijohtajat maffialaila.
Uhka tullee kans ulkopuolelta. Siksi Ruottin militääri kykyä pittää rakentaa kätevästi, samala kun met haluama vahvistaa kriittisiä osia yhteiskunnassa, esimerkiks rautatie, siukkahoito, sähkö- ja ruokatuotantoa. Met olema valmhiita tekemhään yhteistyötä ja luomhaan laajaan puliittisen tuen ette turvata Ruottia.
- Puolustaa Ruottin demukratiaa ja meän elämäntapoja.
- Täysi koko maan puolustusta piethään laajentaa.
- Tiukka asene rikokshiin ja rikoksitten syihiin.
- Maffialaki pittää fangita jängijohtajat.
- Ruottila ei piä olla heijon aseman alueita.
Meän muitten alueitten pulitiikka sie löyvät sivulta socialdemokraterna.se
Hei,
Mie rakastan Ruottia, mutta liian pitkhään tämä maa on hajonu oshiin ja heikentyny. Kovasti työtä tekevät ihmiset on saanheet huonomat olot.
Mulla on plaani tehhä tämän maan uuvesti voimakhaaks sulle. Mie haluan rakentaa laajoja ja voimakhaita yhteistyöprusjektia, jokka tuottavat tuloksia ja parantavat arkipäivää. Näinä epävarmoina aikoina mitä met elämä on tärkeämpi kuin koskhaan, ette Ruottin parasta asetethaan eturivin ensi paikale.
Mie en luppaa kaikkia kaikile. Mutta monen tyffin vuen jälkhiin se häätyy olla sinun ja sinun perheen aika nyt. Se on minun luppaus sulle.
13 syyskuuta sulla on valinta. Mie haen sinun luottamusta johtaa Ruottia ette met saatama rakentaa tämän maan voimakhaaks uuvesti.
%20(2)%20Ska%CC%88rmavbild%202026-04-14%20kl.%2017.32.35.png)
%20Ska%CC%88rmavbild%202026-04-14%20kl.%2017.32.44.png)