ሓንቲ ሓያል ሽወደን ንዓኻ

ሓንቲ ሓያል ሽወደን ንዓኻ

ከምዚ ዝስዕብ ብምግባር ኢና ሽወደን ንዓኻ ሓያል ክንገብራ ሓሲብና ዘለና።

ሓንቲ ሓያል ሽወደን ንዓኻ

ኣብዚ ቀውዒ፡ ሃገርና ኣየናይ ኣንፈት ከም እትሕዝ ኣብ ምውሳን ክትሳተፍ ኢኻ። ንሕብረት እምበር ንምፍልላይ ኣይኮንናን ቃል ንኣቱ። ንወፍሪ እምበር ንንከያ ኣይኮንናን ቃል ንኣቱ። ሽወደን ንነዊሕ እዋን ተዳኺማ እያ ጸኒሓ፡ ንሕና ግን ሽወደን ንዓኻ ዳግማይ ሓያል ክንገብራ ኢና ንደሊ።

ንሕና ሶሻል ደሞክራተር ዕዮ ገዛና ሰሪሕና ናብ መበቆልና ተመሊስና ኣለና። ንሰለስተ ዓመት ነዚ ናይ ሎሚ ሽግራት ዝፈትሕን ንሽወደን ኣብ ግዜ ቅሉውላው ዘደልድልን መፍትሒታት ክንረክብ ክንሰርሕ ጸኒሕና ኣለና። ሕጂ ዝያዳ ብነብስና ንተኣማመንን ሓይሊ ትግባረን ዘለና ሰልፊ ኢና። ምስ ተልእኾ ናይ ጻዕራማት ሰባት መዓልታዊ ህይወት ንምምሕያሽን ሕብረተሰብኣዊ ሕብረት ንምሕያልን እዩ።

ሕጂ ተራኻ እዩ።

ድሕሪ ናይ ዓመታት ዝቕባበ ቍጠባ፡ ልዑል ምውሳኽ ዋጋታት መግቢን ዓቢ ምጉዳል ግብሪ ንሃብታማትን፡ ናይ ግድን ተራ ናይቶም ተራ ስራሕን ደሞዝን ዘለዎም ተራ ሰባት ክኸውን ኣለዎ። ብናትና ፖለቲካ፡ ካብ ዓሰርተ ሰባት ትሽዓተ ኣብ ማሕፉደኦም ዝያዳ ገንዘብ ይህልዎም።

ነቲ ክብረ ወሰን ጥሒሱ ዘሎ ሽቕለት ኣልቦነት ክንቃለሶ ኢና ንደሊ። ኩሉ ክሰርሕ ዝኽእል ሰብ ክሰርሕ ኣለዎ። ሽወደን ደራኽን ዘመናውን ፖሊሲ ዕብየት የድልያ ኣሎ። ኣብ ማሕበራዊ ድሕነትን ክሊማዊ ለውጢን ዝግበር ወፍሪ ኣብ መላእ ሃገር ዝያዳ ስራሕ ምፍጣር ማለት እዩ።

ኣበየናይ ደረጃ ህይወት ከም ዘለኻ ብዘየገድስ፡ ውሑስ ክትከውንን ደገፍን ሓገዝን ክትረክብን ይግባእ።
ስለዚ ኣብ ክንክን ጥዕና፡ ኣብያተ ትምህርትን ማሕበራዊ ክንክንን ንዓኻ ዝኸውን ዝያዳ ግዜ ንኽህልዎም ተወሰኽቲ ሰራሕተኛታት የድልዩ እዮም።

ናይ ቤት ትምህርቲ ገንዘብ ኣብ ቤት ትምህርቲ ክጸንሕን፡ መምህራን ድማ ነቲ ኢዱ ዘልዕል ቆልዓን ነቲ ፈጺሙ ኢዱ ዘየልዕል ቆልዓን ዝያዳ ግዜ ክረኽቡ ኣለዎም። ኣብ ክንክን ኣረጋውያን ዝያዳ ወፍሪ ክንገብር ኢና፡ ኣብ ሽወደን ምእራግ ውሑስ ክኸውን ስለ ዘለዎ ሰራሕተኛታት ዝሓሸ ኩነታት ከም ዝህልዎምን ቋንቋ ሽወደን ክዛረቡ ከም ዝኽእሉን ከነረጋግጽ ኢና።

ገበን ናብ መዓልታዊ ህይወት ሰባት እናቐረበ ይኸይድ ስለዘሎ፡ ፍሉይ ከቢድ ኩነታት ሓድሽ ተጥቅዓሉ ኣገባባት ይሓትት እዩ። ስለዚ ኢና ድማ ኣብ ሓደጋ ንዝርከቡ መንእሰያት ብንጹር ከነለልዮምን ነቶም መራሕቲ ጕጅለ ገበን ብሕጊ ማፍያ ክንቅይዶም ንደሊ።

ካብ ወጻኢ ዝመጽእ ስግኣት እውን ኣሎ። ስለዚ ወተሃደራዊ ዓቕሚ ሽወደን ብቕልጡፍ ክድልድል ኣለዎ። ማዕረ ማዕሪኡ ተነቃፊ ክፋላት ሕብረተሰብ ከም መንገዲ ባቡር፡ ክንክን ጥዕና፡ ሓይሊ ኤሌክትሪክን ቀረብ መግብን ክሕይል ንደሊ ኢና። ንሽወደን ንምውሓስ ክንተሓባበርን ሰፊሕ ፖለቲካዊ ደገፍ ክንፈጥርን ድሉዋት ኢና።

Iንምርጫ ናይ ዓመተ ዝምልከት ኩሉ ክትፈልጦ ዘለካ ነገራት

ኣበይን መዓስን ከድምጽ ይኽእል?

ካብ 26 ነሓሰ ክስብ’ታ ምርጫ ዝካየደላ ዕለት፡ 13 መስከረም፡ ኣብ ዘሎ ግዜ ኣቐዲምካ ከተድምጽ ትኽእል ኢኻ። ኣብ መላእ ሃገር፡ ኣቐዲምካ ከተድምጸሉ ኣብ እትኽእል ቦታ ብምኻድ፡ ከተድምጽ ትኽእል ኢኻ። ኣብታ ምርጫ ዝካየደላ ዕለት፡ 13 መስከረም፡ ኣብቲ ኣብ ወረቐት-ምርጻ ሰፊሩ ዝርከብ ቦታ ብምኻድ፡ ከተድምጽ ትኽእል ኢኻ። ነቶም ምርጫ ዝካየደሎም ቦታታት ዝምልከት ሓበሬታ ኣብ val.se ኣቲኻ ክትረኽቦ፡ ትኽእል።

ኣበየኖት ምርጫታት ከድምጽ ይኽእል?

እታ እትለኣኸልካ ወረቐት-ምርጻ፡ ኣበየኖት ምርጫታት ከተድምጽ ከምእትኽእል ዝገልጽ ሓበሬታ፡ ዝሓዘት እያ። ወረቐት-ምርጻ ብዲጂታላዊ ሳጹን-ቦስጣ ከምኡ ውን ብወረቐት ብተራ ቡስጣ ይለኣኸልካ።

ኣብ ምርጫ ባይቶ ንምድማጽ፡ ነዚ ዝስዕብ ከተማልእ ኣለካ፡-

• እንተደንጔኻ ኣብ መዓልቲ ምርጫ፡ 18 ዓመት ዝመላእካ ክትከውን ኣለካ
• ዜግነት ሽወደን ዘለካ ክትከውን ኣለካ። ከምኡ ውን
• ኣብ ሽወደን እትነብር ወይ ትነብር ዝነበርካ ክትከውን ኣለካ

ኣብ ባይቶ ዞባን ባይቶ ከተማን ንምድማጽ፡ ነዚ ዝስዕብ ከተማልእ ኣለካ፡-

• እንተደንጔኻ ኣብ መዓልቲ ምርጫ፡ 18 ዓመት ዝመላእካ ክትከውን ኣለካ
• ዜግነት ሽወደን ዘለካ ከምኡ ውን ነባሪ ናይቲ ዞባ ወይ ከተማ ክትከውን ኣለካወይ ውን

• ዜግነት ናይ ሓንቲ ኣባል ኣውሮጳዊ ሕብረት ዝዀነት ሃገር ወይ ውን ዜግነት ኣይስላንድ ወይ ነርወይ ኴንካ ነባሪ ናይቲ ዞባ ወይ ከተማ ክትከውን ኣለካወይ ውን

• ዜጋ ናይ ሓንቲ ካብዘን ኣብ ላዕሊ ዝጠቕሳ ሃገራት ወጻኢ ወይ ከኣ ሃገር-ኣልቦ ኴንካ፡ ቅድሚ ዕለተ-ምርጫ፡ ኣብ ዝሓለፋ ሰለስተ ዓመታት ኣብ ሽወደን ክትነብር ዝጸናሕካ ነባሪ ናይቲ ዞባ ወይ ከተማ ክትከውን ኣለካ።

ክማልኦ ዝግበኣኒ ነገር ኣሎ`ዶ?

መንነት ወይ ታሴራ ሒዝካ ክትመጽእ ኣለካ። ታሴራ ምስዘይህልወካ ከምኡ ውን ተቐባሊ-ድምጺ ዘይፈልጠካ ምስእትኸውን፡ ካልእ ሰብ ክምስክረልካ፡ ይኽእል እዩ። ኣብ ከምዚ፡ እቲ ዝምስክረልካ ሰብ፡ ታሴራኡ ከርኢ ኣለዎ። ወረቐት-ምርጻ ከምኡ ውን መድመጺ ቡስጣ ኣብ ኩሉ መድመጺ ቦታታት ተቐሪቡ ይርከብ።

(ፍልፍል፡ valmyndigheten.se)